ကျနော့် သူငယ်ချင်းတွေ အများကြီး ငတ်နေကြပြီ (From Mizzima)

နာဂစ်ဆိုင်ကလုံး မုန်တိုင်း ဝင်မွှေအပြီး တပတ်အကြာတွင် နိုင်ငံတကာမှ အကူအညီများ တစတစဝင် ရောက်လာနေသော်လည်း အပျက်အစီး အများဆုံးဖြစ်သည့် ဧရာဝတီ မြစ်ဝကျွန်းပေါ် ဒေသသို့ ယခုတိုင် အဆိုပါ ကယ်ဆယ်ရေး ပစ္စည်းများ မရောက်သေးဘဲ ဖြစ်နေသည်။

“ကျနော့် သူငယ်ချင်းတွေ အများကြီး စားစရာလဲမရှိ၊ သောက်စရာလဲ ရေမရှိလို့ ငတ်နေကြပြီဗျာ” ဟု လပွတ္တာမြို့နယ်မှ အသက်မသေ ကျန်ရစ်သူတဦးက မဇ္ဈိမသို့ ပြောပြပါသည်။ ထိုမြို့နယ်သည် ဘင်္ဂလား ပင်လယ်အော် အဝတွင် တည်ရှိသော မြို့ဖြစ်သည်။

ထိုမြို့နယ်မှ အသက်မသေ ကျန်ရစ်ခဲ့သူ အများအပြား လပွတ္တာ မြို့ပေါ်သို့ ထွက်ပြေးလာခဲ့ကြပြီး ယခုအခါ အစိုးရစာ သင်ကျောင်းများ၊ ဘုန်းကြီးကျောင်းများတွင် ယာယီ ခိုလှုံနေကြရသည်ဟု သူက ပြောပါသည်။ သူလည်း သူ့မိတ်ဆွေ သူငယ်ချင်းများထံမှ အကူအညီ တောင်းခံရန် ရန်ကုန်မြို့သို့ ယခု ထွက်လာခဲ့သည်ဟု ဆိုသည်။

ကယ်ဆယ်ရေး လုပ်ငန်းများ၊ အလောင်းများ ရှာဖွေဆယ်ယူရေး လုပ်ငန်းများကို အသက်မသေ ကျန်ရစ်သူ ဒေသခံရွာသားများ ကိုယ်တိုင် ပြုလုပ်နေရသည်ဟု ဆိုသည်။ သို့သော် အလောင်းအများစုမှာ ယခုတိုင် ရှာဖွေ ဆယ်ယူနိုင်ခြင်း မရှိသေးဘဲ ရေထဲတွင် မျောနေသည်ဟု ဆိုသည်။ မြို့နယ်အတွင်းရှိ ကျေးရွာ အတော်များများမှာ ယခုတိုင်ရေမြှုပ်လျက် ရှိသည်ဟုလည်း အဆိုပါ ပုဂ္ဂိုလ်က ပြောပါသည်။

“ဒီနေ့ ကျနော့်မိတ်ဆွေ မိသားစုအတွက် အသုဘ အခမ်းအနားလေး လုပ်တယ်ဗျာ။ ဒါပေမဲ့ သူတို့ အလောင်းတွေက ခုအထိ မတွေ့သေးဘူး။ တွေ့မယ်လဲ မထင်တော့ပါဘူး” ဟု အမည်မဖေါ်လိုသူ အဆိုပါ အသက်မသေ ကျန်ရစ်သူက ပြောသွားပါသည်။

သူသည် လပွတ္တာ မြို့နယ်အတွင်း ကံကောင်းသူတဦး ဖြစ်ပြီး သူ့မိသားစုတခုလုံး အသက်ဘေးမှ လွတ်မြောက်ခဲ့သည်။

ပင်လယ်ကမ်းရိုးတန်းရှိ မုန်တိုင်းများနှင့် ယဉ်ပါးနေပြီ ဖြစ်သော ကျေးရွာသား အများစုမှာ နာဂစ်ဆိုင်ကလုံး မုန်တိုင်း ဝင်လာသောအခါ ဤမျှ ပြင်းထန်ဖျက်ဆီးအား ကြီးလိမ့်မည်ဟု မထင်ခဲ့ကြပေ။

“မုန်တိုင်း ဝင်လာတော့ ကျနော်တို့မှာ ပြေးဘို့တောင် အချိန်မရလိုက်ဘူး” သူက ထိုနေ့က အဖြစ်အပျက်ကို ပြန်ပြောပြပါသည်။

လပွတ္တာ မြို့နယ်အတွင်းရှိ ကျေးရွာ အများအပြား မုန်တိုင်းနှင့်အတူ မျောပါသွားပြီး ယခုတိုင် လူအများအပြား ပျောက်ဆုံးနေဆဲ ရှိသည်ဟု ဆိုသည်။

ထိုဒေသအတွင်း ကျေးရွာပေါင်း မည်မျှရှိမည်ကို အသေအချာ မသိသော်လည်း၊ ၂၄ ရွာမှ ရွာပေါင်း ၅ဝ ကျော်အထိ ရှိနိုင်သည်ဟု သူက ခန့်မှန်းပြောကြားပါသည်။
“ကျနော်တို့ ရွာနားက ရွာဆိုရင် လူပေါင်း ၅ဝဝဝ လောက်ရှိတာ ၂ဝဝ လောက်ဘဲ ကျန်တော့တယ်” ဟု သူက ပြောပါသည်။

သူ့ရွာမှ လူအများစုမှာမူ မုန်တိုင်းဒဏ်မှာ အသက်မသေ လွတ်မြောက်ခဲ့ကြသည်ဟု ဆိုသည်။

ဆိုင်ကလုံးမုန်တိုင်းသည် အိမ်များသာမက ရေတွင်းများကိုပါ ဖျက်ဆီးလိုက်သောကြောင့် ကျေးရွာသားများမှာ အနီးအနားရှိ မြို့များ ဖြစ်သော လပွတ္တာနှင့် မြောင်းမြမြို့များသို့ စတင် ပြောင်းရွှေ့နေကြသည်ဟု သူက ဆိုသွားပါသည်။

“အလောင်းတွေက ရေတွင်းတွေထဲ ကျကုန်တော့ အဲဒီရေတွေက ကျနော်တို့ သုံးလို့ သောက်လို့ မရတော့ဘူး။ တခြားလဲ သုံးစရာ သောက်စရာ မရှိတော့ လပွတ္တာကို ရွှေ့လာရတာဘဲ” ဟု သူက ဆက်လက် ပြောဆိုသွားပါသည်။

ဆက်သွယ်ရေး လမ်းကြောင်းများ အကြီးအကျယ် ပျက်စီးသွားပြီး အကူအညီပေးရေး အေဂျင်စီများ ဝင်ရောက်နိုင်ရန် မြန်မာအစိုးရ၏ တုံ့ပြန် ဆောင်ရွက်မှု အလွန် နှေးကွေးသောကြောင့် အဆိုပါ အကူအညီပေးရေး အေဂျင်စီ အများအပြားမှာ ယခုထိ ပျက်စီးမှု အတိုင်းအတာ ပမာဏနှင့် လိုအပ်မည့် အကူအညီ ပမာဏတို့ကို ခန့်မှန်း တွက်ချက်နိုင်ခြင်း မရှိသေးပါ။

“ကျနော်တို့ မြစ်ဝကျွန်းပေါ် ဒေသအတွက် လိုအပ်မဲ့ အကူအညီ ပမာဏကို ခန့်မှန်း တွက်ချက်နေတုံးဘဲ၊ ကယ်ဆယ်ရေး ပစ္စည်းတွေ ဖြန့်ဝေတာ မလုပ်နိုင်သေးဘူး” ဟု အမည်မဖေါ်လိုသူ မြန်မာ ကယ်ဆယ်ရေး လုပ်သားတဦးက ပြောပါသည်။

မြန်မာအစိုးရက နိုင်ငံတကာ အကူအညီပေးရေး ဝန်ထမ်းများကို မြစ်ဝကျွန်းပေါ် ဒေသသို့ သွားရောက်ခွင့် ပိတ်ပင်ထားသောကြောင့် ကယ်ဆယ်ရေး ပစ္စည်းများ ဝေငှမှု ကြန့်ကြာနေရခြင်း ဖြစ်သည်ဟု အဆိုပါ ကယ်ဆယ်ရေး လုပ်သားက ပြောပြပါသည်။

“တိုင်းရင်းသား ဝန်ထမ်းတွေကိုဘဲ သူတို့က ဧရာဝတီ မြစ်ဝကျွန်းပေါ် ဒေသကို သွားခွင့်ပြုတာ” ဟု မကြာသေးခင်ကမှ ဧရာဝတီ မြစ်ဝကျွန်းပေါ် ဒေသမှ ပြန်လာသူ အဆိုပါ ကယ်ဆယ်ရေး လုပ်သားက ပြောပါသည်။

သို့သော် ဤအတောအတွင်း နိုင်ငံ အများအပြားမှ ကူညီ ကယ်ဆယ်ရေး ပစ္စည်းများ ယမန်နေ့က စတင်၍ မြန်မာနိုင်ငံသို့ ရောက်ရှိနေပြီ ဖြစ်သည်။ အိန္ဒိယနိုင်ငံမှ ဆေးဝါးများ၊ အစားအစာများ၊ ယာယီတဲများ နှင့် အဝတ်အစားများ ရေတပ်သင်္ဘော ၂ စင်း၊ ကုန်တင်လေယဉ် ၂ စင်းတို့ဖြင့် ရန်ကုန်သို့ ရောက်ရှိ လွှဲပြောင်းပေးအပ်ခဲ့သည်။

ကြာသပတေးနေ့တွင် ကုလသမဂ္ဂ၊ ကမ္ဘာ့စားနပ်ရိက္ခာ အစီအစဉ် (WFP) ၊ စင်္ကာပူ၊ ထိုင်း၊ ဂျပန်၊ အီတလီ နှင့် ထိုင်ဝမ်နိုင်ငံတို့မှ အကူအညီများ နောက်ထပ် ထပ်မံ ရောက်ရှိလာသည်။

အဆိုပါ ကယ်ဆယ်ရေး ပစ္စည်းများနှင့် အကူအညီများကို ရန်ကုန် မြို့ရှိ ဒေသအချို့နှင့် မြို့တော်ဟောင်း ရန်ကုန်မြို့၏ အနောက်တောင်ဘက် မိုင် ၄ဝ အကွာတွင် ရှိသော ကွမ်းခြံကုန်းမြို့ အပါအဝင် မုန်တိုင်းဒဏ်ခံ ဒေသများသို့ စတင်ပေး ဝေနေနိုင်ပြီ ဖြစ်သော်လည်း အဆိုးဝါးဆုံး ခံခဲ့ရသည့် ဧရာဝတီ မြစ်ဝကျွန်းပေါ် ဒေသသို့ ယခုတိုင် ရောက်ရှိခြင်း မရှိသေး ဟု သိရပါသည်။

ယနေ့ ရောက်ရှိလာသော အဟာရမြှင့် ဘီစကွတ် ၇ တန်ကို စတင် ဖြန့်ဝေပေးသွားမည်ဟု (WFP) ၏ ပြောရေးဆို ခွင့်ရှိသူ ပေါလ်ရစ်စလေ (Paul Risley) က ပြောကြားသွားပါသည်။