ကုလသမဂ္ဂအထွေထွေ အတွင်းရေးမှူးချုပ် ဘန်ကီမွန်းက မြန်မာပြည်မှာ အခုကျရောက်နေတဲ့ သဘာဝဘေးဒုက္ခဟာ အလွန်ကြီးကျယ်တဲ့အတွက် ဆန္ဒခံယူပွဲကို ရက်ရွှေ့ဆိုင်းပြီး ရှိသမျှအင်အားနဲ့ ကယ်ဆယ်ရေးလုပ်ငန်းတွေကို အာရုံစိုက်လုပ်ဆောင်ဖို့ မြန်မာအစိုးရကို တောင်းဆိုလိုက်ပါတယ်။ ဒီအချိန်မှာ အလဟသအချိန်ကုန်ဆုံးသွားရင် နောက်ထပ်လူတွေ ထပ်မံသေဆုံးရုံသာမက ရောဂါဘယတွေလည်း ပြန့်ပွားနိုင်တယ်လို့ အထွေထွေအတွင်းရေးမှူးချုပ် က အတ်တလန်တာမှာ ဒီနေ့ ပြောကြားခဲ့ပါတယ်။ အပြည်ပြည်ဆိုင်ရာ အကူအညီပေးရေးဝန်ထမ်းတွေအတွက် ဗီဇာလိုအပ်ချက်ကို ယာယီပယ်ဖျက်သင့်တယ်လို့ သတင်းထောက်တွေကို ပြောပြီး ဒါမှသာ အရေးပေါ်လိုအပ်နေတဲ့ အစားအစာနဲ့ အခြားပစ္စည်းတွေကို ဒုက္ခသည်တွေဆီကို အချိန်မဆိုင်းပဲ ပေးပို့ပေးနိုင်မှာဖြစ်တယ်လို့ ပြောပါတယ်။
အဲဒါအပြင် မြန်မာအစိုးရခေါင်းဆောင် ဗိုလ်ချုပ်မှူးကြီး သန်းရွှေနဲ့ တွေ့ဖို့ စီစဉ်နေတယ်လို့လည်း ပြောပါတယ်။ စီအန်အန်သတင်းဋ္ဌာနနဲ့ အင်တာဗျုးမှာ မြန်မာအစိုးရရဲ့ ပျော့ပြောင်းမှု မရှိတဲ့ သဘောထားအတွက် ဒီတစ်ကြိမ်မှာလည်း အလွန်စိတ်အနှောက်အယှက်ဖြစ်ရပါတယ် လို့ ပြောပါတယ်။
ကုလသမဂ္ဂ၀န်ထမ်း ၁၀၀ ကျော်ဟာ မြန်မာနိုင်ငံအတွင်းကို ၀င်ရောက်ဖို့အတွက် ဗီဇာကို စောင့်ဆိုင်းနေကြတယ်လို့ Unicef ကပြောပါတယ်။ ဒီကနေ့ဟာ ထိုင်းနိုင်ငံရဲ့ အစိုးရ ရုံးပိတ်ရက်ဖြစ်တဲ့အတွက် ထိုင်းမှာ စောင့်ဆိုင်းနေတဲ့ အပြည်ပြည်ဆိုင်ရာ အဖွဲ့အစည်းတွေ အနေနဲ့ တနင်္လာနေ့မှသာ အစောဆုံးဗီဇာရနိုင်မှာဖြစ်ပါတယ်။
ဒီအချိန်အတွင်းမှာလည်း မြန်မာနိုင်ငံခြားရေးဝန်ကြီးဋ္ဌာနက နိုင်ငံတကာအဖွဲ့အစည်းတွေ အနေနဲ့ လူမလာဘဲ ပစ္စည်းချည်းသက်သက်ပို့ပေးဖို့ ဒီကနေ့ပဲ ပြောင်ပြောင်တင်းတင်း ကြေငြာချက်ထုတ်ပြန်ခဲ့ပါတယ်။
