အမိုးအကာမလုံမခြုံနဲ့ နံရံအချို့ပြိုပျက်နေတဲ့ ဘုန်းကြီးကျောင်းတခုထဲက ပေ၂၀ ၀န်းကျင်ခန့်ရှိတဲ့ အခန်းတခုတည်းမှာ ကလေးငယ်တွေဟာ သတ်မှတ်ထားတဲ့ သူတို့နေရာအသီးသီးမှာ လဲလျောင်းသူ လဲလျောင်း၊ ထိုင်သူထိုင်နဲ့ ငေးငေးငိုင်ငိုင် ငြိမ်သက်နေကြပါတယ်။
သူတို့တွေဟာ မေလ ၂ ရက်နေ့ညပိုင်းက တိုက်ခိုက်ခဲ့တဲ့ နာဂစ်မုန်တိုင်းဒဏ်ကြောင့် အိုးမဲ့အိမ်မဲ့ဖြစ်ပြီး အဆိုပါ ဘုန်းတော်ကြီးကျောင်းဆီကို ခိုကိုးရာမဲ့ ရောက်လာကြတဲ့ မိသားစုတွေရဲ့ ကလေးတွေ ဖြစ်ကြပါတယ်။
သူတို့မိဘတွေကတော့ မနက်ကတည်းက ဘုန်းကြီးကျောင်းက ကျွေးတဲ့ ထမင်းကို စားပြီး လုပ်ငန်းခွင်တွေရှိရာ ဆီကို အသီးသီးထွက်သွားခဲ့ကြပြီလို့ သိရပါတယ်။
“သမီးတို့အိမ်ပြိုသွားတဲ့ နေ့ကတည်းက ဒီကျောင်းကို ရောက်လာတာပါ။ ဒီကျောင်းကပဲ သမီးတို့ကို တနေ့ ထမင်း နှစ်နပ်ကျွေးပါတယ်” လို့ အသက် ၈ နှစ်အရွယ် ကလေးမလေး တဦးက ခပ်တိုးတိုးလေး ပြောပြပါတယ်။ သူ့ ဘေးနားမှာတော့ သူ့အောက်က ၃ နှစ်အရွယ် ညီမနဲ့ အတူ မုန်တိုင်းနေ့က မိုးမိလို့ ဖျားနေတဲ့ အသက် ၅ လသားအရွယ် ကလေးငယ်ကို ပီနံအိတ်လေးပေါ်မှာ အိပ်ပျော်နေတာ တွေ့မြင်ရပါတယ်။
ကလေးတွေအတော်များများဟာ မုန်တိုင်းဒဏ်ခံထားရတဲ့အတွက် စိတ်ပိုင်းဆိုင်ရာ ထိခိုက်မှုတွေအပြင် ရုပ်ပိုင်းဆိုင်ရာ ထိခိုက်မှုတွေပါ စတင်လာခဲ့ပြီလို့ အဆိုပါ ဘုန်းတော်ကြီးကျောင်းမှာ လာရောက်ကူညီလုပ်ကိုင်ပေးနေတဲ့ သန်လျင်မြို့သား ကျောင်းဆရာ တဦးက ပြောပြပါတယ်။
သန်လျင်မြို့နယ်ထဲက အဆိုပါ ဘုရားကုန်းကျေးရွာအုပ်စုဟာ လေဘေးမုန်တိုင်းဒဏ် အခံရဆုံး ကျေးရွာအုပ်စုထဲမှာ အပါအ၀င်ဖြစ်တယ်လို့ သိရပါတယ်။
ရန်ကုန်တိုင်း၊ သန်လျင်မြို့နယ်ထဲက ဘုရားကုန်းကျေးရွာအုပ်စုမှာ ကျေးရွာပေါင်း ကိုးရွာ ပါဝင်ကြောင်း ကျေးရွာ စာရင်းများအရ သိရှိရပါတယ်။ ကျောက်ရေတွင်းကျေးရွာ၊ ကွမ်းခြံကုန်းကျေးရွာ၊ နတ်စင်ကုန်းကျေးရွာ၊ နတ်စင်တရာကျေးရွာ၊ တာဝ ကျေးရွာ၊ ကညင်ပင်ကျေးရွာ၊ စစ်စီးတော ကျေးရွာ၊ တိုက်လေးဝ ကျေးရွာတို့ ဖြစ်ပြီး ကျေးရွာ တရွာမှာ အိမ်ခြေ အနည်းဆုံး ၂၀၀ ကျော်ကနေ အများဆုံး ၄၀၀ ကျော်ထိ ရှိတယ်လို့ ကြားသိရပါတယ်။ ကျေးရွာတရွာမှာ လူဦးရေ အနည်းဆုံး ၅၀၀ ကနေ အများဆုံး ၂၀၀၀ ထိရှိတယ်လို့ ကျောက်ရေတွင်းကျေးရွာ ဆယ်အိမ်မှူးတဦးက ခန့်မှန်းပြောဆိုပါတယ်။
အဆိုပါ ကျေးရွာအုပ်စုတွင်းမှာရှိတဲ့ နေအိမ်များရဲ့ ၉၀ ရာခိုင်နှုန်းဟာ ထိခိုက်ပျက်စီးခဲ့ရပြီး အိုးမဲ့အိမ်မဲ့ဖြစ်သူ ဦးရေကတော့ ကျေးရွာအုပ်စုအတွင်း နေထိုင်သူအားလုံးရဲ့ ၇၅ ရာခိုင်နှုန်းခန့်ရှိတယ်လို့ ၄င်းရဲ့ ပြောပြချက်များအရ သိရှိရပါတယ်။
အဆိုပါ ကျေးရွာ အုပ်စုမှာ အိမ်ပြို၊ အိမ်ပိလို့ သေဆုံးသူ ဦးရေကတော့ ၇ ဦး ရှိတယ်လို့ သိရပြီး ယနေ့ထိ ကယ်ဆယ်ရေးတွေ၊ ထောက်ပံ့ရေးတွေ ရောက်လာခြင်း မရှိသေးသလို၊ မည်သူ တဦးတယောက်ကမှ စာရင်းကောက်ယူခြင်း မရှိသေးဘူးလို့ ဒုက္ခသည် စခန်း တွေဆီကနေ ကြားသိခဲ့ရပါတယ်။
“အစိုးရက သိပ်ညံ့တော့ လူတွေပိုပြီး ဒုက္ခရောက်တာပေါ့။ ဒီမှာတောင် မြို့နယ်တွေ စုံအောင်မပြောနဲ့ ရပ်ကွက်တွေ စုံအောင်တောင် ဘာမှ လုပ်မပေးနိုင်သေးဘူး။ ကျနော်တို့ သန်လျင်က စခန်းတွေဆီကို ဒီနေ့ ဒီအချိန်ထိ ဘယ်သူမှ ရောက်မလာကြသေးဘူး” လို့ သန်လျင်မြို့သား အင်ဂျင်နီယာတဦးက သုံးသပ်ပြောဆိုပါတယ်။
အဆိုပါ ဘုန်းတော်ကြီးကျောင်းမှာ လူဦးရေ စုစုပေါင်း ၂၀၂ ယောက် မှီခိုနေထိုင်လျက်ရှိကြောင်း ကျောင်းတွင်းဝေယျာဝစ္စလုပ်ကိုင်ပေးသူတွေရဲ့ ပြောပြချက်များအရ သိရပါတယ်။
အိုးအိမ်ပျက်းစီးပြီး နေစရာမရှိတဲ့ သူတွေအများစုဟာ လက်လုပ်လက်စား လူတန်းစားတွေများတဲ့အတွက် သူတို့အနေနဲ့ ပြိုပျက်တဲ့ အိမ်ကို ဆောက်နိုင်ခြင်းမရှိသေးဘဲ လက်ရှိနေထိုင် စားသောက်ရေးအတွက် နီးစပ်ရာ ဘုန်းကြီးကျောင်းတွေမှာပဲ မှီခိုနေထိုင်လျက်ရှိတာကို တွေ့မြင်ကြရပါတယ်။
“အိမ်ပြန်ဆောက်နိုင်ဖို့မပြောနဲ့ အခုဆို ၁၀ ပေ၊ ၁၂ ပေလောက် ရှိတဲ့ တဲအိမ် တအိမ်တောင်မှ ကုန်ကျစရိတ်က ကျပ် ၅ သောင်းလောက်ရှိတာ ဆိုတော့ တော်တော် များများက ပြန်မဆောက်နိုင်ကြသေးဘူး၊ အများစုကတော့ ဘုန်းကြီးကျောင်းတွမှာပဲ နေနေကြရတယ်” လို့ တာဝ ကျေးရွာသား တဦးက ပြောပြပါတယ်။
အဆိုပါ ဘုရားကုန်းကျေးရွာ အုပ်စုအတွင်းမှာ ဘုန်းတော်ကြီးကျောင်းပေါင်း ၂၄ ကျောင်းရှိပြီး ယခုအခါ ဘုန်းတော်ကြီးကျောင်း ၂၀ ၀န်းကျင်ဟာ ဒုက္ခသည်တွေကို လက်ခံကျွေးမွေးရာ စခန်းတွေ ဖြစ်နေကြတာ တွေ့ရပါတယ်။
ဘုန်းကြီးကျောင်းတကျောင်းမှာ မှီခိုနေသူ ဒုက္ခသည်ပေါင်း အနည်းဆုံး ၂၀ ဦးကနေ အများဆုံး ၃၀၀ ၀န်းကျင်ထိ ရှိတယ်လို့ သိရပါတယ်။
မုန်တိုင်းဒဏ်ကြောင့် ဘုန်းတော်ကြီးကျောင်းအများစုဟာလည်း အမိုးတွေလန်၊ နံရံတွေ ပျက်စီးနေတာကို တွေ့မြင်ရသလို၊ အဲဒီ အပျက်အစီးတွေကြားထဲမှာပဲ ဒုက္ခသည်တွေကို အိုးကြီးအိုးငယ်တွေနဲ့ ချက်ပြုတ်ကျွေးနေကြတာ တွေ့မြင်ရပါတယ်။
“ဖြစ်တဲ့နေ့က စပြီး ဒီနေ့ထိ တနေ့ကို ဆန် ၈ တင်းချက်ရတယ်။ အားလုံး ဘုန်းဘုန်းတို့ လှူတာပဲ။ ခုချိန်ထိ ဘယ်ကယ်ဆယ်ရေးကမှမလာပါဘူး။ အစိုးရပိုင်း တွေကလည်း စာရင်းလာကောက်တာတောင် မရှိသေးပါဘူး” လို့ ကျောက်ရေတွင်း ကျေးရွာထဲမှာရှိတဲ့ ဘုန်းတော်ကြီးကျောင်း တကျောင်းရဲ့ ကျောင်းထိုင်ဆရာတော်က မိန့်ပါတယ်။
သန်လျင်မြို့နယ်အတွင်းက ဘုန်းတော်ကြီးကျောင်းတွေအတွက် လိုအပ်တဲ့ ကုန်ကျစရိတ်တွေအားလုံးကို ကျောင်းထိုင် ဆရာတော်တွေရဲ့ အစီအမံတွေနဲ့သာ ဆောင်ရွက်နေကြရတာ ဖြစ်တယ်လို့လည်း သိရှိရပါတယ်။
စစ်အာဏာပိုင်များရဲ့ ညံ့ဖျင်းတဲ့ စီမံခန့်ခွဲမှုတွေကြောင့် လေဘေးဒုက္ခသည်များဟာ အိုးမဲ့အိမ်မဲ့ ခိုးကိုးရာမဲ့လျက်ရှိတဲ့အပြင် အစားအသောက်အတွက်လည်း အခက်အခဲ ဖြစ်လျက်ရှိကြောင်း တွေ့မြင်ကြရပါတယ်။
တချို့ ဘုန်းတော်ကြီးကျောင်းတွေမှာ ထမင်းတောင် ချက်ကျွေးနိုင်တဲ့ အင်အား မရှိတော့တဲ့အတွက် ဒုက္ခသည်တွေကို ဆန်ပြုတ်ပြုတ်တိုက်နေရတာလည်း တွေ့မြင်ရပါတယ်။
“ကျမကတော့ ဘုန်းဘုန်းတွေရဲ့ အခက်အခဲတွေကိုလည်း တွေ့မြင်နေရတော့ ဘုန်းကြီးကျောင်းမှာ နေရုံပဲ နေပါတယ်။ ကိုယ့်ဟာကိုယ်ပဲ ချက်စားတယ်။ ဖြစ်သလိုပဲ ချက်စားပါတယ်။ ဘုန်းဘုန်းတွေကတော့ ဘယ်သူ့ကိုမဆို ကျွေးတာပဲ” လို့ ဘုန်းတော်ကြီးကျောင်းမှာ နေထိုင်ပြီး ကိုယ့်စရိတ်နဲ့ကိုယ် ချက်ပြုတ်စားသောက်နေသူ အိမ်ရှင်မ တဦးက ပြောပြပါတယ်။
သူ့လိုပဲ တချို့ကလည်း ဘုန်းတော်ကြီးကျောင်းတွေရဲ့ အခြေအနေ၊ အခက်အခဲတွေကို သိမြင်နေရတဲ့ အတွက် ဘုန်းတော်ကြီးကျောင်းတွေဆီကို ညအိပ်ခါနီးမှ အိပ်စရာမရှိလို့ လာအိပ်ကြသူတွေလည်း ရှိတယ်လို့ ကြားသိရပါတယ်။
သန်လျင်မြို့နဲ့ မြို့နယ်ထဲက ကျေးရွာအတော်များများမှာ အိမ်အမိုးလန်တာတွေ၊ အိမ်ပြိုတာတွေ၊ သစ်ပင်ပြိုလဲတာ၊ လမ်းမီးတိုင်ပြိုလဲပျက်စီးတာတွေ စတဲ့ အပျက်အစီး တွေ ရှိနေပြီး ခုချိန်ထိ အစိုးရပိုင်းက အကူအညီပေးတာ စီမံတာတွေ ရောက်ရှိမလာသေးဘူးလို့ သန်လျင်မြို့မှာ နေထိုင်သူတွေက ပြောပြကြပါတယ်။
သန်လျင်မြို့နယ်ထဲက တခြားကျေးရွာတွေဖြစ်တဲ့ အေးသစာ ကျေးရွာ၊ အလွမ်းဆွတ် ကျေးရွာတွေလည်း ရွာလုံးကျွတ်ပျက်စီးခဲ့တယ်လို့ သိရပါတယ်။ အဆိုပါ ရွာသားတွေလည်း ကျေးရွာတွင်းက ဘုန်းကြီးကျောင်းတွေမှာပဲ မှီခိုနေထိုင်လျက်ရှိကြ တယ်လို့ စုံစမ်း သိရှိရပါတယ်။
သန်လျင်မြို့တွင်နေထိုင်သူ လူငယ် ရယက တဦးကတော့ “ ကျနော်တို့ အနေနဲ့ ခရိုင်ရဲ့ စီမံခန့်ခွဲ့မှုကို စောင့်နေတာပါ” လို့ ပြောပါတယ်။ သန်လျင်မြို့ဟာ ရန်ကုန်တောင်ပိုင်း ခရိုင်ရုံးစိုက်ရာ မြို့ဖြစ်ပါတယ်။