လေဘေးဒုက္ခသည်များ ကယ်ဆယ်ရေးအတွက် ထောက်ပံ့ ပစ္စည်းများ တင်ဆောင်ထားသော အမေရိကန် စစ်ဘက် လေယာဉ်များ ဆင်းသက်ခွင့်ပြုရေး မြန်မာ စစ်အစိုးရထံမှ စောင့်ဆိုင်းဆဲ ဖြစ်သည်။
ထိုင်းနိုင်ငံရှိ အမေရိကန် သံရုံးမှ သတင်းနှင့် ပြန်ကြားရေး အရာရှိ စင်သီယာ အေ ဘရောင်းက ဘန်ကောက်တွင် သတင်းထောက်များကို ပြောကြားရာတွင် အမေရိကန် အစိုးရအနေဖြင့် စီ ၁၃၀ စစ်ဘက်လေယာဉ်များ ဆင်းသက်ခွင့်ရရေး စောင့်ဆိုင်းနေဆဲ ဖြစ်သည်ဟု ပြောသည်။
အဖွဲ့ဝင် ၁၀ ဦးပါ ကပ်ဘေး အထောက်အပံ့ပြု အဖွဲ့သည်လည်း မြန်မာနိုင်ငံသို့ ပြည်ဝင်ခွင့်ဗီဇာ ရရှိရေး စောင့်ဆိုင်းနေဆဲ ဖြစ်သည်။
"ကျမတို့ ရလာဒ်ကောင်း ထွက်လာမယ်လို့ ယုံပါတယ်" ဟု သူမက ပြောလိုက်ပြီး မြန်မာ စစ်အစိုးရနှင့် တောက်လျှောက် ဆွေးနွေးမှုများ ပြုလုပ်နေသည်ဟု ပြောသည်။ ဆွေးနွေးမှု အဆင်ပြေရေးအတွက် ထိုင်းအစိုးရသည် တက်တက်ကြွကြွ ကူညီ စေ့စပ်နေသည်ဟု ပြောသည်။
နာဂစ် မုန်တိုင်းဒဏ်ခံ မြန်မာနိုင်ငံသို့ အမေရိကန်ဒေါ်လာ ၃ သန်းထောက်ပံ့ရန် အမေရိကန် ပြည်ထောင်စုက ကမ်းလှမ်းထားသည်။
