နာဂစ်မုန်တိုင်းအလွန် လပွတ္တာမြို့ပေါ်ရှိ လေဘေးဒုက္ခသည်စခန်း တစခန်းလျှင် ၁ဝ ဦးထက်မနည်း ဝမ်းရောဂါ ဖြစ်ပွားနေသဖြင့် အသက် အန္တရာယ် စိုးရိမ်ရသည့် အခြေအနေ ရောက်ရှိနေပြီဟု ကြားသိရသည်။
သောက်သုံးရေ မသန့်ရှင်းခြင်း၊ အနေအထိုင် ကျပ်တည်းခြင်းတို့ကြောင့် လပွတ္တာမြို့ရှိ လေဘေး ဒုက္ခသည်စခန်း ၃၂ စခန်းတွင် စခန်းတခု၌ လူ ၁ဝ ဦးကျော် ဝမ်းပျက်နေကြပြီး အခြေအနေမှာ ပိုမိုဆိုးရွားလာမည့် အနေအထား ရှိသည်။
“ဝမ်းရောဂါ စနေပြီ။ စခန်းတခုမှာ လူတွေက အနည်းဆုံး ၂ ထောင်လောက် ရှိတာဆိုတော့ အိမ်သာ သုံးတဲ့အခါမျိုးမှာ ကူးစက်ကုန်တာပေါ့။ ဒီအတိုင်းဆိုရင် နောက်နောင် အခြေအနေ ပိုဆိုးလာနိုင်တယ်” ဟု လေဘေး ဒုက္ခသည်များကို ကူညီပေးနေသူ လပွတ္တာမြို့မှ ဆရာဝန်တဦးက ပြောသည်။
ပင်လယ်နှင့်နီးသော မြို့တခြမ်းလုံးလုံး ပျက်စီးကုန်သော လပွတ္တာမြို့ပေါ်တွင် လေဘေး ဒုက္ခသည်များမှာ ၈ သောင်းကျော် ရှိပြီး စေတီ ဘုရားတန်ဆောင်း၊ ဘုန်းကြီးကျောင်း၊ စာသင်ကျောင်း၊ ဗလီကျောင်း အစရှိသည့် မိုးရိပ်ခိုရာ နေရာ ၃၂ နေရာတို့တွင် ဖြန့်ကျက် နေထိုင်ကြရပြီး တနေရာတွင် အနည်းဆုံး ၂ ထောင်နှင့် ၃ ထောင်ကြားတွင် ရှိသည်
“စားရတာလည်း နေ့တိုင်း ဆန်ပြုတ်၊ နေရတာကလည်း သမံသလင်းပေါ်မှာ အေးစက်နေတာပဲ။ ဘုရားတန်ဇောင်းတို့မှာ အမိုးကလည်း သိပ်မလုံတော့ ဒီကနေ့လို မိုးရွာတဲ့ နေ့တွေမှာဆို မိုးရွာထဲ ငုတ်တုတ်ထိုင်နေရတာ ဟု လပွတ္တာမြို့မှ ဆရာဝန်က ဆက်ပြောသည်။
လေဘေးဒုက္ခသည်များ၏ ကျန်းမာရေးကို စောင့်ရှောက်ရန်အတွက် မြောင်းမြနှင့် လပွတ္တာမြို့ပေါ်ရှိ ဆရာဝန်များ စုပေါင်းကာ စေတနာရှင် ဆရာဝန်များ အသင်းကို ဖွဲ့စည်းကာ ဒုက္ခသည်များကို ဓါတ်ဆားထုပ်များ ဝေငှခြင်း၊ အခမဲ့ ဆေးခန်းဖွင့်ကာ ဆေးဝါး ကုသပေးခြင်း စသည့် ဝမ်းရောဂါ ကာကွယ်ရေး လုပ်ငန်းများ လုပ်ဆောင်နေသည်ဟု သိရသည်။
ဝမ်းရောဂါကြောင့် လပွတ္တာမြို့ ဘုရားကြီး အရပ်ရှိ လူ ၄ ဦး သေဆုံးသွားခဲ့သည်ဟု ကြားသိရကြောင်း ကိုယ်တိုင် ကွင်းဆင်း လေ့လာခဲ့သူ အမျိုးသား ဒီမိုကရေစီ အဖွဲ့ချုပ် အဖွဲ့ဝင် တဦးက ပြောသော်လည်း သတင်းနှင့် ပတ်သက်၍ မဇ္ဈိမ အနေဖြင့် သီးခြား အတည်ပြုချက် မရခဲ့ပါ။
၈ သောင်းခန့် ရှိသော လေဘေး ဒုက္ခသည်များ အတွက်ဟုဆိုကာ ရန်ကုန်မြို့မှ အလှူရှင်များ၊ စင်ကာပူနိုင်ငံရောက် မြန်မာများက ငွေကြေး၊ ရေသန့်ဗူး၊ ဆေးဝါးနှင့် ဆန်ဆီဆားများကို လှူဒါန်းခြင်းများသာ တွေ့ရပြီး ဒေသအာဏာပိုင်များ လာရောက် လှူဒါန်းခြင်းများကို ယနေ့ထိ မရရှိသေးဟု ဒေသခံများက ညီးတွားနေကြသည်။
နိုင်ငံတကာမှ လှူဒါန်းသည့် ကယ်ဆယ်ရေး ပစ္စည်းများ၊ အစားအသောက်များကို ဒေသအာဏာပိုင်များက လပွတ္တာ ဒုက္ခသည်များကို ထုတ်ပေးခြင်း မရှိဘဲ ကွပ်ကဲ ထိန်းသိမ်းရေးစခန်း ဂိုဒေါင်၌သာ ထိန်းသိမ်းထားပြီး အခြား အလှူရှင်များ၏ ပစ္စည်းများကို သိမ်းယူသဖြင့် ဆန်ဆီဆား၊ ခေါက်ဆွဲခြောက်၊ ရေသန့် အစရှိသည့် အစားအစာများ တင်ဆောင်လာသည့် ကား ၁ဝ စီးမက မြို့ပြင်၌ ရပ်နားကာ အခြေအနေ စောင့်ကြည့်နေသည်ဟု လပွတ္တာ ဆရာဝန်က ပြောသည်။
ဧရာဝတီနှင့် ရန်ကုန်တိုင်း အတွင်းရှိ လေဘေး ဒုက္ခသည်များ၏ ကျန်းမာရေးနှင့် ပတ်သက်၍ နအဖ အနေဖြင့် ထိထိရောက်ရောက် ပြုစုပေးနိုင်မည့် အခြေအနေ မရှိသောကြောင့် နားလည် တတ်ကျွမ်းသော နိုင်ငံတကာမှ ကယ်ဆယ်ရေး သမားများကို ဝင်ရောက်ခွင့်ပေးပြီး နိုင်ငံတကာ၏ အကူအညီများကို လက်ခံပေးပါရန် နိုင်ငံတကာရှိ မြန်မာဆရာဝန်များ စုပေါင်းထားသည့် မြန်မာ ဆေးပညာရှင်များ အစည်းအရုံးက ယမန်နေ့က ကြေညာချက် ထုတ်ပြန် တောင်းဆိုထားသည်။
“လုပ်သင့်လုပ်ထိုက်တာကို လုပ်ခွင့်မပေးဘဲ၊ Aid workers တွေကို မသွားခိုင်းဘဲနဲ့ သူတို့ပဲ ပစ္စည်းတွေ ဝေငှနေတယ် ဆိုတာက အင်မတန် မှားယွင်းပါတယ်။ ဘာကြောင့်လဲဆိုတော့ မြန်မာနိုင်ငံမှာ Disaster ကို ကိုင်တွယ်ဖို့ သူတို့မှာ အခြေအနေ မရှိပါဘူး။ သင်ကြားထားပြီးသား၊ လေ့ကျင့်ထားပြီးသား လူတွေ၊ Facility နဲ့ လုပ်နိုင်ကိုင်နိုင်တာတွေ မရှိတော့ နိုင်ငံတကာက ကူညီတာကို လက်ခံသင့်ပါတယ်” ဟု သြစတေးလျ နိုင်ငံရောက် ဒေါက်တာ Raymond Tint Way က ပြောသည်။
မိသားစုတစုလုံး သေဆုံးပြီး ကျန်ရစ်ခဲ့သည့် ကလေးငယ်များ၊ မုဆိုးမများ၏ ပူဆွေးဒုက္ခများကို စောင်တထည်၊ ဆန်တပြည်၊ စားစရာ တထုတ် ပေးရုံဖြင့် ပြေလည်သွားမည် မဟုတ်သလို နိုင်ငံတော် ဝန်ကြီးချုပ် ကိုယ်တိုင် ထမင်းထုပ် ဝေငှနေပုံကို ရုပ်မြင်သံကြားနှင့် သတင်းစာတို့တွင် ဖော်ပြကာ ဝါဒ ဖြန့်နေခြင်းများကို ရပ်တန့်ကာ အမှန်တကယ် ထိရောက်သည့် လုပ်ဆောင်ချက်များ လုပ်ဆောင်သင့်ပြီဟု သူက ဆက်ပြောသည်။
“ကျနော်တို့တွေ စောင့်ကြည့်နေရင်း နာရီပိုင်းနဲ့အမျှ လူတွေသေနေတယ်။ De-hydration ဖြစ်နေတယ်။ အစာရေစာ ငတ်ပြတ်နေတယ်။ ဝမ်းသွားပြီး သေနေတယ်။ ဝမ်းရောဂါ၊ တိုက်ဖိုက်၊ ငှက်ဖျား။ ဒီလို အင်မတန် ကြီးမားတဲ့ Disaster ကြီးကို ကိုင်တွယ်ဖို့က အင်မတန် ခက်ခဲပါတယ်။ နိုင်ငံတကာက ဝိုင်းကူရမယ့် အခြေအနေမှာ ရှိတဲ့အတွက်ကြောင့် အစိုးရ အနေနဲ့ အဲဒါကို အမြန်ဆုံး လက်ခံပေးပါလို့ အနူးအညွတ် ပန်ကြားလိုပါတယ်” ဟု ဒေါက်တာ Raymond Tint Way က ပြောသည်။
ကမ္ဘာ့ကုလသမဂ္ဂနှင့် နိုင်ငံတကာ အစိုးရများ အနေဖြင့်လည်း မြန်မာ စစ်အစိုးရ၏ ပိတ်ပင် တားဆီးခြင်းများကို ဂရုစိုက်မနေတော့ဘဲ မြန်မာပြည်သို့ အမြန်ဆုံးဝင်ရောက်ပြီး တရက်ထက် တရက် သေနေ့ကို စောင့်နေကြသည့် မြန်မာလေဘေး ဒုက္ခသည်များကို အကူအညီများ ပေးရန်အချိန် ကျရောက်နေပြီဟု မြန်မာဆေးပညာရှင်များ အစည်းအရုံးက တောင်းဆိုထားသည်။
